https://www.facebook.com/644607072234699/posts/2473396066022448/
ਆਰ.ਬੀ.ਆਈ ਗਵਰਨਰ ਉਰਜਿਤ ਪਟੇਲ ਦਾ ਅਸਤੀਫ਼ਾ - ਪੂਰਾ ਮਸਲਾ ਕੀ ਹੈ ?
******************************************************************* - ਅੱਜ ਸ਼ਾਮ ਨੂੰ ਆਰ.ਬੀ.ਆਈ ਗਵਰਨਰ ਉਰਜਿਤ ਪਟੇਲ ਨੇ ਅਸਤੀਫਾ ਦੇ ਦਿੱਤਾ | ਇਸ ਨਾਲ ਆਰ.ਬੀ.ਆਈ ਅਤੇ ਮੋਦੀ ਸਰਕਾਰ ਦਰਮਿਆਨ ਪਿਛਲੇ ਕੁੱਝ ਸਮੇਂ ਤੋਂ ਚੱਲ ਰਹੀ ਤਣਾ-ਤਣੀ ਇੱਕ ਨਵੇਂ ਮੋੜ 'ਤੇ ਪਹੁੰਚ ਗਈ ਹੈ | ਇਸ ਪੂਰੇ ਮਸਲੇ ਦੀ ਜੜ੍ਹ ਵਿੱਚ ਭਾਰਤੀ ਅਰਥਚਾਰੇ ਅਤੇ ਸਿਆਸਤ ਦਾ ਸੰਕਟ ਹੀ ਹੈ ਜੋ ਹੁਣ ਪੂਰੇ ਪ੍ਰਬੰਧ ਦੇ ਵੱਖ-ਵੱਖ ਅਦਾਰਿਆਂ ਵਿੱਚ ਨਜ਼ਰ ਆ ਰਿਹਾ ਹੈ | ਸੀ.ਬੀ.ਆਈ ਅਤੇ ਸਰਕਾਰ ਵਿਚਲਾ ਵਿਵਾਦ ਅਤੇ ਆਰ.ਬੀ.ਆਈ ਅਤੇ ਸਰਕਾਰ ਵਿਚਲਾ ਮੌਜੂਦਾ ਵਿਵਾਦ ਇਸੇ ਲੜੀ ਦਾ ਹੀ ਹਿੱਸਾ ਹਨ | - ਨੋਟਬੰਦੀ, ਜੀ.ਐੱਸ.ਟੀ, ਵਿਜੇ ਮਾਲੀਆ, ਨੀਰਵ ਮੋਦੀ ਅਤੇ ਮੇਹੁਲ ਚੌਕਸੀ ਵਰਗੇ ਵਰਤਾਰਿਆਂ ਨੇ ਭਾਰਤ ਦੇ ਆਮ ਲੋਕਾਂ ਦੀਆਂ ਮੁਸ਼ਕਲਾਂ ਵਧਾਈਆਂ ਹਨ ਅਤੇ ਸਰਕਾਰ ਤੋਂ ਭਰੋਸਾ ਚੁੱਕ ਦਿੱਤਾ ਹੈ | ਇਸ ਆਰਥਿਕ ਉਥਲ ਪੁਥਲ ਦਾ ਅਸਰ ਸਿਆਸੀ ਖੇਤਰ ਵਿੱਚ ਵੀ ਨਜ਼ਰ ਹੋਣ ਲੱਗ ਪਿਆ ਹੈ। 2019 ਦੀਆਂ ਚੋਣਾਂ ਸਾਹਮਣੇ ਵੇਖ, ਮੋਦੀ ਸਰਕਾਰ ਕੁੱਝ ਘਬਰਾਹਟ ਵਿੱਚ ਨਜ਼ਰ ਆ ਰਹੀ ਹੈ ਅਤੇ ਇਸੇ ਕਰਕੇ ਉਸ ਨੇ ਕੇਂਦਰੀ ਬੈਂਕ ਯਾਨੀ ਕਿ ਰਿਜ਼ਰਵ ਬੈਂਕ ਉੱਪਰ ਦਬਾਅ ਪਾਇਆ ਕਿ ਉਹ ਨਿਯਮਾਂ ਵਿੱਚ ਕੁੱਝ ਢਿੱਲ ਦੇਵੇ ਤਾਂ ਕਿ ਛੋਟੇ ਕਾਰੋਬਾਰੀਆਂ ਨੂੰ, ਬੈਂਕਾਂ ਵੱਲੋਂ ਜਲਦੀ ਤੇ ਅਸਾਨੀ ਨਾਲ਼ ਕਰਜ਼ੇ ਦਿੱਤੇ ਜਾ ਸਕਣ। ‘59 ਮਿੰਟਾਂ ਵਿੱਚ ਇੱਕ ਕਰੋੜ ਦੇ ਕਰਜ਼ੇ’ ਦਾ ਜੁਮਲਾ ਇਸੇ ਯੁੱਧਨੀਤੀ ਵਿੱਚੋਂ ਨਿਕਲੇ ਸਨ | - ਦੂਜੇ ਬੰਨੇ ਆਰ.ਬੀ.ਆਈ ਦੇ ਅਧਿਕਾਰੀ ਇਸ ਗੱਲ 'ਤੇ ਅੜ ਗਏ ਹਨ ਕਿ ਸਰਕਾਰ ਉਸ ਦੇ ਕੰਮ-ਢੰਗ ਵਿੱਚ ਬੇਲੋੜਾ ਦਖਲ ਦੇ ਰਹੀ ਹੈ ਅਤੇ ਇਹਨਾਂ ਕਦਮਾਂ ਨਾਲ ਭਾਰਤੀ ਅਰਥਚਾਰੇ ਦੀ ਹਾਲਤ ਹੋਰ ਮਾੜੀ ਹੀ ਹੋਵੇਗੀ | ਇਸ ਤੋਂ ਖਫ਼ਾ ਹੁੰਦਿਆਂ ਅਤੇ ਸਰਕਾਰ ਦੀ ਤਰਫੋਂ ਬੋਲਦਿਆਂ ਅਰੁਣ ਜੇਤਲੀ ਨੇ ਮੌਜੂਦਾ ਆਰਥਿਕ ਸੰਕਟ ਅਤੇ ਘੋਟਾਲਿਆਂ ਦਾ ਠੀਕਰਾ ਨਿਗਰਾਨ ਏਜੰਸੀ, ਜਾਣੀ ਕਿ ਰਿਜ਼ਰਵ ਬੈਂਕ 'ਤੇ ਭੰਨਣਾ ਸ਼ੁਰੂ ਕੀਤਾ | ਦੂਜੇ ਪਾਸੇ, ਉਰਜਿਤ ਪਟੇਲ ਨੇ ਰਿਜ਼ਰਵ ਬੈਂਕ ਤਰਫ਼ੋਂ ਆਪਣਾ ਬਚਾਅ ਕਰਦਿਆਂ ਕਿਹਾ ਕਿ ਇਹ ਉਹਨਾਂ ਦੇ ਅਦਾਰੇ ਦੀ ਜੁੰਮੇਵਾਰੀ ਨਹੀਂ ਸਗੋਂ ਭਾਰਤ ਸਰਕਾਰ ਦੀ ਹੈ | - ਅਸਲ ਵਿੱਚ ਇਹ ਮੌਜੂਦਾ ਆਰਥਿਕ ਅਤੇ ਸਿਆਸੀ ਸੰਕਟ ਦੇ ਦੌਰ ਵਿੱਚ ਤਿੜਕ ਰਹੇ ਪ੍ਰਬੰਧਕੀ ਢਾਂਚੇ ਦਾ ਪ੍ਰਗਟਾਵਾ ਹੈ ਜਿਸ ਲਈ ਪੂਰੀਆਂ ਸਰਮਾਏਦਾਰਾ ਨੀਤੀਆਂ ਅਤੇ ਇਸ ਨੂੰ ਲਾਗੂ ਕਰਨ ਵਾਲੀ ਭਾਰਤ ਸਰਕਾਰ ਅਤੇ ਰਿਜ਼ਰਵ ਬੈਂਕ ਜਿਹੇ ਅਦਾਰੇ ਇੱਕੋ ਜਿੰਨੇ ਜੁੰਮੇਵਾਰ ਹਨ | ਇਸ ਆਰਥਿਕ ਸੰਕਟ ਤੋਂ ਪਹਿਲਾਂ ਇਹ ਸਾਰੇ ਅਦਾਰੇ ਇਹਨਾਂ ਲੋਕ-ਵਿਰੋਧੀ ਨੀਤੀਆਂ 'ਤੇ ਇੱਕ-ਮੱਤ ਸਨ ਅਤੇ ਘਿਓ-ਖਿਚੜੀ ਵਾਲੇ ਆਪਸੀ ਸੰਬੰਧ ਸਨ ਪਰ ਹੁਣ ਜਦੋਂ ਲੋਕਾਂ ਵਿੱਚ ਇਹਨਾਂ ਨੀਤੀਆਂ ਕਰਕੇ ਬੇਚੈਨੀ ਵਧ ਰਹੀ ਹੈ ਤਾਂ ਇਹ ਸਾਰੇ ਅਦਾਰੇ ਆਪੋ-ਆਪਣਾ ਮੂੰਹ ਬਚਾਉਣ ਲਈ ਕਾਂਵਾਂ-ਰੌਲੀ ਪਾ ਰਹੇ ਹਨ |
#ਉਰਜ ਿਤ_ਪਟੇਲ
#ਮ ੋਦੀ
#ਸਰਕ ਾਰ
#ਰ ਿਜ਼ਰਵ_ਬੈਂਕ
#ਆਰਬ ੀਆਈ
#rbi #urjitpatel #modi #reservebank
#ਲਲਕ ਾਰ
